INSTITUT D'ESTUDIS OCCITANS
La fe sens òbras mòrta es
Seccion "Frédéric Mistral"
dei Bocas de Ròse (13)
Ostau de Provença
Camin d'Òc, Pargue Jordan
13100 AIS DE PROVENÇA
Qu'es la seccion Frederic Mistral de l'IEO?
Es una associacion de tòca non-lucrativa, grasida d'Educacion Populara e
reconeguda d'utilitat publica. Desvolopa dins lo departament dei Bocas de
Ròse d'accions de tipe culturau:
- far conóisser la riquesa de la cultura provençala,
- permetre ai provençaus d'origina e d'adopcion de chifrar ai
problèmas de sa region (economics, ecologics, lingüistics...),
- redde independenta de tot grop politic, sindicau ò confessionau, se
compausa de personas que venon deis orizonts mai variats (emplegats,
agricultors, animators, ensenhaires, universitaris) e que meton sei
competéncias en comun.
La seccion Frederic Mistral vos prepausa:
- de conferéncias que leis asseguran de personas qualificadas, sus lei
subjèctes mai divèrs pertocant la cultura regionala:
istòria, lenga, dança, arquitectura, toponimia, alimentacion,
environament...
- de cors de lenga, mai que mai dins leis establiments escolars, de velhadas, de
balètis.
- una iniciacion e sensibilizacion a la cultura provençala dins lei
licèus, escòlas, universitats, MJC...
- de montatges-diapos e vidèo.
- d'estagis de lenga e de cultura provençalas per de publics de totei leis
edats, debutants ò iniciats.
- d'ecorregudas e sortidas pedèstras de " descubèrta dau
país " (una jornada ò una dimenjada).
- de grops de trabalh e de reflexion.
- una difusion de libres e de discs occitans.
- una relacion ambe lei creators (cantadors, actors...) de Provença e deis
autrei regions occitanas.
Lo provençau es un dialècte de l'occitan, qu'es una lenga
romanica eissida dau latin, tot parier coma lo francés,
l'espanhòu, l'italian, lo catalan...
La seccion Frederic Mistral de l'IEO collabòra regularament ambe:
- Lo CENTRE REGIONAU D'ESTUDIS OCCITANS (CREO) que n'es sòcia.
Ostau de Provença
Camin d'Òc
Pargue Jordan
13100 Ais de Provença
- ASSOCIACION DEIS ENSENHAIRES DE LENGA D'ÒC (AELÒC)
sala deis associacions IDEN
travèrsa dei Lillacs (trav. des Lillas) - baloard Adrian Mazet
13140 Miramàs
- L'ESCòLA OCCITANA D'ESTIU EN
PROVENçA
9 alèa Ambròsi Croizat
13110 Pòrt de Boc
- L'UNIVERITAT D'ESTIU MARPÒC
5 carr. Nacionala
30000 Nimes
Participa a la promocion deis espòrts provençaus:
- Tambornet (bala au tamborin)
- Targa (ajustas)
- Pè-tanca (l'inventèron a La Ciutat!)
- Bovina...
